北角黑白街拍

凌晨12:33 jk 0 Comments

Rollei 35系列,世上最小的135格式相機之一。由於年代久遠,大部份此系列相機的測光系統已無法正常運作,本人之Rollei 35s也不例外,測光早已壞左。

無測光,無測距的相機,功能上分分仲差過Lomo膠機。但配備Sonnar結構同HFT鍍膜,輕巧的機械機身,令Rollei 35s成為我街拍的常用機之一。街拍講求一瞬間的記錄,如果用返功能齊全的相機,需考慮的因素有時會錯失拍攝良機。35s 呢部機仔,曝光組合估估下,對焦又係估估下,加上旁軸取景的視差,想拍出完全的相片其實唔太可能。

影黑白菲林有一個好處,就係寬容度非常高,曝光差兩三級對於色階影響不太大。今次用左Kentmere 400,色階非常豐富,對比偏高,粒子非常幼細,價錢又平,睇黎將會成為將來黑白的主力菲林。

是次街拍主要於北角一帶,以拍攝香港密集建築為主。最後兩張因為Rollei 35s 回捲功能發生問題,導致幾乎無法回捲及菲林部分撕裂,但scan後效果又幾有趣,或者呢個就係玩菲林不可預知的樂趣吧。